مـــــــــــــدرسة الاحزان

مدرسة الاحزان
مو ذنبي انخلقت بكلب حساس وشلت فوك الاحساس اخلاق شاعر
اذا انجرح انزف قافية شوك واذا ابجي ورد تجري النواضر
مطعون شكثر من دهري طعنات لحد ما عضت ضلوعي الخناجر
كل طعنه رمح وبراسه منشار يكص عالطلب بزنود الخواطر
جف سجين دهري وشايل السيف ومن اوكع تواسيني الحوافر
ما جرت عدل وياي دنياي وحظي بلا حجر كل ساعه عاثر
طير بنص قفص روحي وبلاجناح مفتوح القفص بس ذيبي حاضر
تعبني الكلب بالالم استاذ طالب بالبجي وبالعتب شاطر
ياخذ ميه بالدمعات والضيم وبصف الجرح كل يوم حاضر
ماغاب الكلب من درس الهموم وموضوعه القهر يملي الدفاتر
واذكر امتحان واخذ منتاز واول عالصفوف كليبي صاير
موضوع امتحانه شجان تدرون شلون ابجي واهل دمعاتي باجر
حمامه كليبي من يعشك انسان يحب بلادغش تفكيره طاهر
بس الحبه نسر وكلبه جوعان واتخيل حمامه ونسر كاسر
بنيت بهل كلب مدرسة الاحزان وطلابي البجي وكسر الخواطر
وما اقبل ضحك والفرح مفصول يأثر عالونين الفرح صاير
دار الحزن اكتب ويه داران وما نام نديم وظل يساهر
وراشد ما زرع كاضيه بالنوح وزينب للحزن كصت ظفاير
وشاشكي وحالتي دله وفناجين قهر تترسني ويشربني غادر
ويطحني الهظم طحن الرحه وحيل ويسلمني الحلك تنور فاير
ويلوجون الشماته من انخبز زين وتخيل النعمه بحلك كافر

تحيـــــــــــــــاتي

» هاربا من الاحزان