▓▓ |♥| ‏إنــــت الــــعـــراق ▓▓ |♥|

إنــــت الــــعـــراق
أنت العراق إلي بيك توحــــدنه
عــرب واكراد والوحدة مذهبنه
يا محلى الوطن بيـك ريــحة أهلنه
بيك والله نتفاخر وتــحـلى لمتـنه
و لفراكَك يا وطـن والله تــعذبنه
إنــــت الــــعـــراق
أنت العراق بيك النجف والانبار
بيك الغــــــيرة عــالــية والســـــــتار
النــــار مشعــولة بقــلوب الاحــرار
ابن الرافــــدين يــــدور على الثـــار
ما يرضــــى بالمــــذلة ولا العــــــار
إنــــت الــــعـــراق
أنـت الــعــــراق إلي كــالــوا يفـرقــوه
ومـا ضل احـد بالبـلد مـا هجــروه
العريس من حضن ألعروسه اعتقلوه
والغــــيرة مـاتت و الأمـــن شالـــوه
بلد صفه للحراميه وبالمزاد باعــوه
إنــــت الــــعـــراق
انت العراق الشهم وروحــك الآبــية
وطن ما يعـرف غير السيف و البندقية
عَلم العرب الكرم و العــروبة الحقـيقية
عنيد ولو تحـضنه مليان محبه وحنيه
ما يرضى بالظلم ولا لسان الطائفية
إنــــت الــــعـــراق
انت العـراق الشـامخ صروحه
ترابك للمفاركَك حسرة لروحة
وده يحضنك ويداوي جروحه
الدمعه الك صارت مسموحه
حزيـــن إنت ما بطــلت نــوحه
إنــــت الــــعـــراق
إنت العراق يا أبو الحضـارات
تعــودت على الآم و الآهـــات
أسمع شعبك يكَلك سلامــات
احتلوك العلوج يا حرامــــات
وصرت ساحة قتل وتصفيات
إنــــت الــــعـــراق
إنت العــراق وشـعبك المشــتاق
تـنزل الدمـعه لـو يفــكر بالفـــراق
شلون نتـركك وحنا إلك عشاق
بيك تربينا وصرنا إخوه و رفاق
هذا الوطن يا يمه اسمه العــراق
إنــــت الــــعـــراق
إنت العراق ابو النـخوة والغيرة
تحـتلك عصابات ملثمة حقيرة
ما ترحــم لا طفـــل ولا فقـيره
وين صــارت حمــية العــشيرة
لو أصبحت بيد المحتل أسيرة